Пайкараи Лоиқ Шералӣ
1941 - 2000

* * *

Дар диёри ман, ки ғоратдида аст,
Чашми мардум аз камон тарсидааст.

Аз бари домони фардои сафед
Дасти уммеди ҳама бибридааст.

Ғук шуд оҳангсози булбулон
Хук гулҳои чаманро чидааст.

Ғунчаро сар мебурад шамшери хор
Гар ба рӯи булбуле хандидааст.

Чун пари каҳ каҳкашонҳоро гирифт,
Хирмани дони амал коҳидааст.

Чархи дӯлоб обҳоро даркашид,
Қатра уқёнусро балъидааст.