|
* * * Бесаводам аз савод омӯхтан,
Бефурӯғам аз ҷаҳон афрӯхтан.
Гумраҳам дар “шоҳроҳи ленинӣ”,
Муфлисам аз ганҷи дунё тӯхтан.
Рост машмар пухтагиҳои маро,
Хомсӯзам аз паёпай сӯхтан.
Аз ҷигардорӣ шудам хунинҷигар,
Синачок аз чоки дилҳо дӯхтан.
Пургуноҳам аз гуноҳи дигарон,
Пурвуболам аз савоб андӯхтан.
Аждаҳои зард рӯйи ганҷи мост,
Ҳотамам аз ҳеҷ чиз андӯхтан.
Бо ҳама ин каҷҳисобиҳои давр
Сармадам аз хешро нафрӯхтан... [1991]
|
Роҳнамо
