ДАРЁИ КӮҲӢ Дарё зи кӯҳ ҷорист, Соида санг бар санг. Мавҷаш ба домани кӯҳ Ҷангида, чанг бар чанг. Чун тифли шоҳфеъла Нолад зи тангноӣ. Сад печу тоб гардад, Имдод, раҳнамое. То рахнае кушояд Девори соҳилашро. Бар гӯши водӣ гӯяд Афсонаи дилашро. Пасту баланд гардад, Бо сад ҳазор оҳанг. Гаҳ рому гоҳ ваҳшист Чун барра, гоҳ чун ранг. Тақдири одамизод Чун рӯди кӯҳсор аст. Шӯре, ки дар дили мост, Пайғоми навбаҳор аст... Дарё зи кӯҳ ҷорист, Соида санг бар санг. Бар тангнои соҳил Ҷангида, чанг бар чанг. << аввала    дигар >>