|
* * * Эй ҳамватан, ба ҳамдигар чунучаро чаро?
Кардем базмхонаро мотамсаро чаро?
Дорем як таронаи шевои сарнавишт,
Дар як тарона мову ту ноҳамсаро чаро?
Чашма якеву бар ҳама лабташна мерасад,
Дар сад маҳал ба ҳам занӣ сад кӯзаро чаро?
Рафтанд тангчашмакон дунболи офтоб
Мову ту чашмбаставу вопасгаро чаро?
Рафтем дар таассуби худ то гулӯ фурӯ,
Рафтанд ҳеҷбудагон аз мо фаро чаро?
Моем нобародарон аз тухми як падар,
Ҷони бародаро, чаро? Эй хоҳаро, чаро?
Моем нобаробарон аз ину он намат,
Устоди меҳтаро, чаро? Эй кеҳтаро, чаро? 4.04.1997 – Ландан
|
Карта сайта
