|
* * * Дӯстам, айём хорат кардааст,
Тундкорӣ кундкорат кардааст.
Амру фармони ду-се чавкисавор
Уштуросо зери борат кардааст.
Ҳар мадорое, ки кардӣ бо замон,
Безамонат, бемадорат кардааст.
Бас қароре, ки ту иҷро кардаӣ,
Дур аз амну қарорат кардааст.
Бобарориҳои иҷрои пилон,
Бебарори рӯзгорат кардааст.
Оташи пурдуди ҳар вазъи баланд,
Бешафоат, бешарорат кардааст.
Дар сари сарчашмаи оби зулол,
Оби заҳролуд корат кардааст.
Он ҳама тиллои батни кӯҳсор,
Ганҷбони хоксорат кардааст.
Сарфишониҳо саратро хурдааст,
Ҷоннисориҳо низорат кардааст. [1989]
|
Sitemap
