1941 - 2000

* * *

Эй бознишастагони миллат,
Эй болшикастагони миллат

Пайвандгарони дӯшу фардо,
Аз хеш гусастагони миллат;

Аз тарфи ҷаҳону зиндагонӣ,
Эй тарфнабастагони миллат;

Гоҳе таҳи бору гаҳ таҳи ор,
Эй шалпару хастагони миллат;

Гардида раҳо зи дарди мансаб,
Аз сакта нарастагони миллат;

Ҳарчанд залилу хор гаштед,
Будед парастагони миллат;

Пирони муроди навҷавонон,
Покону хуҷастагони миллат;

Бифристаматон дуруд, зеро
Будед фиристагони миллат!