|
* * * Бетабутоби ту бетобам ҳанӯз,
Гӯиё дар шасти гирдобам ҳанӯз.
Гарчи аз рӯзи насибам рафтаӣ,
Медароӣ дар шаби хобам ҳанӯз.
Дар дили шабҳо ба ёд ояд маро
Ишқварзиҳои Варзобам ҳанӯз.
Ҳусни ноёби ту шуд ноёбтар
Дар хумори ҳусни ноёбам ҳанӯз.
Ман туро гум кардаам аз содагӣ,
Содагиро бин, ки мекобам ҳанӯз.
Бо ту худро низ ман гум кардаам,
Хештанро ҳам намеёбам ҳанӯз. [1988]
|
Карта сайта
